काठमाडौं, पुस ३-

काठमाडौं महानगरपालिकाले जथाभावी मेडिकलजन्य फोहोर फालेको भन्दै एक मेडिकललाई ५० हजार रुपैयाँ जरिबाना तिराएको छ ।

काठमाडौंको धुम्बराहीमा रहेको एसियन रेज मेडिकेयर सेन्टरलाई महानगरले जरिबाना गरेको हो ।

मेडिकलजन्य फोहोर जथाभावी फालेको भन्दै मेडिकेयर सेन्टरका प्रतिनिधि मनोजराज गुरूङलाई महानगर प्रहरी बलले जरिबाना गरेको महानगरले जनाएको छ ।

महानगरले चिकित्साजन्य फोहोरलाई वर्गीकरण गरेर मात्रै व्यवस्थापन गर्न अनुरोध गर्दै आइरहेको छ ।