भरतपुर कारागारमा शुद्ध खानेपानीको फिल्टर ट्यांक निर्माण गरिएको छ ।
कारागारका बन्दी किर्तन राजभण्डारीको पहलमा सत्यवचन परम ईश्वरी मार्गदर्शन सामाजिक संस्थाका संरक्षक श्रीकृष्ण आले र राधिका आलेको अगुवाइमा शुद्ध खानेपानीको फिल्टर ट्यांक निर्माण गरेका हुन् । उक्त खानेपानीको फिल्टर ट्याङ संस्थाका केन्द्रीय अध्यक्ष निरञ्जन पाण्डे र जिल्ला कारागार प्रमुख कमलप्रसाद आचार्यले रिवन काटेर समुद्घाटन गरेका छन् ।
कार्यक्रममा संस्थाका उपाध्यक्ष सुभाष श्रेष्ठ, संस्थाका प्रतिनिधि सुन्दर थापा मगर, दिवाकर थापामगर, सुशील थापामगर, दिपु खड्गी, दिपेश खड्गी, कारागार बन्दी प्रमुख कीर्तनराज भण्डारी र प्रहरी सहायक निरीक्षक कुलबहादुर श्रेष्ठलगायतको उपस्थिति रहेको थियो।
कार्यक्रममा बोल्दै अध्यक्ष पाण्डेले आगामी दिनमा यस संस्थाले मानविय तथा सामाजिक कार्यक्रम अझै बढाएर लैजाने प्रतिवद्धता जनाए । कारागार प्रमुख कमलप्रसाद आचार्यले सहयोगी संस्थालाई धन्यवाद दिए ।
कार्यक्रमलाई समन्वय गरेर सफल बनाउन नेपाल कम्युनिष्ट पार्टी एमाले जिल्ला कमिटी सदस्य चन्द्र लामा जिम्बा, भरतपुर–२४ का वडा कमिटी अध्यक्ष बिदुर थापा मगर लगायत युवा संगठन नेपाल भरतपुर महानगर कमिटी अध्यक्ष गौरव उपाध्यायलाई संस्थाका केन्द्रीय अध्यक्ष पाण्डेले धन्यवाद ज्ञापन गरे ।
