प्रतिनिधि सभा उपनिर्वाचन अन्तरगत इलाम–२ जारी मतगणनामा नेपाली कांग्रेसका डम्बरबहादुर खड्काले अग्रता कायमै राखेका छन् । तर नेकपा एमालेका सुहाङ नेम्बाङ भने मतान्तर घटाउँदैछन् ।
पछिल्लो ताजा परिणामअनुसार खड्काले १ हजार ६५८ मत पाएका छन् । नेम्बाङले १ हजार ६३० मत प्राप्त गरेका छन् । खड्का र नेम्बाङबीचको मतान्तर २८ मात्रै रहेको छ ।
त्यसैगरि राष्ट्रिय स्वतन्त्र पार्टीका मिलनकुमार लिम्बुले ३०८ र पहिचान पक्षका स्वतन्त्र उम्मेदवार डकेन्द्रसिंह थेगिमले ४३० मत पाएका छन् ।
यो परिणाम फाकफोकथुम गाउँपालिकाका १, २ र ३ नम्बर वडाको मतगणना सकिँदा हो ।
