Breaking News
अन्तर प्रदेश राष्ट्रिय खेलकुदः पौडीमा २७ स्वर्णसहित ५३ पदकसहित बागमती प्रथम
चितवन, चैत २७–
चितवनको भरतपुरमा जारी प्रथम अन्तर प्रदेश राष्ट्रिय खेलकुद प्रतियोगिता अन्तरगत विभिन्न खेलहरु सकिएका छन् ।
जस अन्तरग पौडी प्रतियोगितामा बागमती प्रदेश २७ स्वर्ण पदकसहित ५३ पदकका साथ प्रथम स्थान हुन सफल भएको छ ।
लेक ट्वान्टी थाउजण्ट हवेलीमा भएको प्रतियोगितामा बागमतीले २७ स्वर्ण, १९ रजत र ७ काश्य पदकसहित ५३ पदकका साथ प्रथम स्थान हासिल गरेको हो ।
प्रतियोगितामा सुदूरपश्चिम प्रदेश ३ स्वर्ण, ८ रजत र ७ काश्य पदकसहित १८ पदकका साथ दोस्रो स्थानमा रह्यो । कोशी प्रदेश ३ रजत, १३ काश्यपदकसहित १६ पदकका साथ तेस्रो स्थान हासिल ग¥यो । लुम्बिनी प्रदेशले ३ काश्य पदकसहित चौथो स्थानमा रह्यो भने मधेश र गण्डकी प्रदेशले एउटा पनि पदक जित्न सकेन ।
दुई दिनसम्म चलेको प्रतियोगितामा ९० पदकका लागि प्रतिस्पर्धा भएको थियो । प्रतियोगिताको दोस्रो दिन आज १७ इभेन्टमा खेलहरु भएका थिए । विजेताहरुलाई बागमती प्रदेशका सांसद सुमन सापकोटा, प्रदेश खेलकुद विकास परिषद् बागमतीका सदस्य सचिव सूर्य भण्डारीले विजेताहरुलाई पुरस्कार प्रदान गरेका थिए ।