नेपाली कांग्रेसको जारी महासमिति बैठकमा चुनावी गठबन्धन गर्ने वा नगर्ने विषयलाई लिएर लफडा भएको छ ।
बागमतीका सभापति इन्द्र बानियाँले संयुक्त छलफलपछि निष्कर्ष सुनाउने क्रममा होहल्ला भएको हो । गगन थापाले प्रस्तुत गरेको प्रतिवेदनलाई लिएर चुनावी गठबन्धन गर्ने या नगर्ने भन्ने विषयमा विवाद भएको बताइएको छ ।
बानियाँले गण्डकी र बागमती प्रदेश समूहमा भएको छलफलको निष्कर्ष पेस गर्न सुरु गरेसँगै हलमा महामन्त्री थापा समर्थकले नाराबाजी गरेका छन् । बानियाँले गठबन्धनको विषय रणनीतिकमात्रै हुनुपर्ने बताएका थिए । महामन्त्री विश्वप्रकाश शर्माले माहोललाई शान्त बनाउन प्रयास गरे पनि गगनको प्रस्तावअनुसार अघि बढिनुपर्ने भन्दै समर्थकहरूले नाराबाजी गरिरहेका छन् । गगनको प्रस्ताव पास हुनुपर्ने भन्दै नाराबाजी गरिरहेका छन् ।
