भरतपुरको कल्याणपुरमा रहेको स्मल हेभन स्कुलले भोलि सरस्वती पूजाको अवसरमा अक्षराम्भ गर्ने भएको छ ।
लिटल एन्जल्स स्कुलको व्यवस्थापनमा सञ्चालित स्कुलले पूर्ण मन्टेश्वरी विधिमा प्ले ग्रुप र नर्सरीका कक्षाहरु सञ्चालन गर्नको लागि यस वर्षबाट विशेष भर्ना लिन लागेको हो ।
स्कुलका प्रिन्सिपल रामचन्द्र न्यौपानेका अनुसार भोलि सरस्वती पूजाको अवसरमा अक्षराम्भ गर्नुको साथै भर्ना निःशुल्क गरिएको छ । विद्यालयले यस वर्षबाट नर्सरी तहका कक्षाहरुमा दिवा खाजा तथा खानाको व्यवस्था पनि गर्न लागेको उनले बताए । उनले भने, ‘बिगत वर्षमा सामान्य ढंगबाट भर्ना लिइए पनि यसवर्षबाट हामीले पूरा केयर गरेर व्यवस्थित ढंगबाट मन्टेश्वरी कक्षाहरु सञ्चालन गर्दै छौं ।’
