कालिका नगरपालिकाले यही माघ १३ गते थाईलेण्डमा हुने चियाङ् माई इन्टरनेशनल तेक्वान्दो प्रतियोगितामा सहभागी हुने खेलाडीहरुको बिदाइ गरेको छ ।
कालिका नगरपालिकाका दुई खेलाडी रमेश कार्की र रजत कार्कीलाई कालिकाका मेयर विनोद रेग्मी र उपमेयर बिमला तामाङले विदाई गरेका हुन् । प्रतियोगितामा कालिका नगरपालिकाका २ खेलाडीसहित रत्ननगरका दुई जना र भरतपुर महानगरपालिकाका तीन खेलाडीहरु सहभागी हुँदै छन् । त्यसैगरी प्रतियोगितामा चितवनका सातसहित दाङका २ खेलाडी गरी देशभरबाट ९ खेलाडीहरु सहभागी हुने भएका छन् ।
