काठमाडौं, पुस १४-
नेपाली कांग्रेसले राष्ट्रिय सभा निर्वाचनको उम्मेदवार छान्ने जिम्मा संसदीय समितिलाई दिएको छ ।
शनिबार बसेको पार्टीको केन्द्रीय समितिको बैठकले यस्तो निर्णय गरेको नेता मीन बहादुर विश्वकर्माले बताए । बैठकपछि सञ्चारकर्मीसँग कुरा गर्दै उनले राष्ट्रिय सभा उम्मेदवारको मापदण्ड पनि तय गरेको बताए । ‘राष्ट्रिय सभामा कस्ता उम्मेदवार छनोट गर्ने निश्चित मापदण्ड तय गर्ने निर्णय गरेको छ’, उनले भने, ‘अहिलेसम्म अवसर नपाएका, लामो समय पार्टीमा योगदान गरेका, छुटेका समुदायलगायतको मापदण्डका आधारमा उम्मेदवार बनाइनेछ ।’
