एनसेल बिक्री प्रकरणको अनुसन्धानका लागि न्यायिक समिति गठन गर्नुपर्ने माग गर्दै माइतीघरमा प्रदर्शन गरेका १५ जनालाई प्रहरीले नियन्त्रणमा लिएको छ। मानवअधिकारकर्मी र अभियन्ताहरूलाई प्रहरीले नियन्त्रणमा लिएको हो।
निषेधित क्षेत्रमा प्रदर्शन गरेका कारण मानवअधिकारकर्मी र अभियन्ताहरूलाई नियन्त्रणमा लिइएको काठमाडौं जिल्ला प्रहरी परिसरका एसपी कुमोध ढुंगेलले जानकारी दिए।
‘१३ पुरूष र दुई महिलालाई नियन्त्रणमा लिएर प्रहरी कार्यालयमा राखेका छौं,’ उनले भने।
स्थानीय प्रशासनले मंसिर ५ गते माइतीघरलाई एक महिनाका लागि निषेधित क्षेत्र तोकेको थियो। बुधबार काठमाडौंका प्रमुख जिल्ला अधिकारी जितेन्द्र बस्नेतले थप दुई महिनाका लागि माइतीघरलाई निषेधित क्षेत्र तोकेका छन्।
