थरपु-च्याङ्थापु सडकखण्डको मुसेपा खोला पुलमा राखिएको शंकास्पद वस्तु केही नभएको पुष्टि भएको छ ।
निवाभञ्ज्याङ जाने बाटोको पुलमा तार जोडिएको अवस्थामा राखिएको शङ्कास्पद वस्तु केही विस्पोटक नभएको सुरक्षाकर्मीले बताएका छन् । सुरक्षाकर्मीले उक्त वस्तु विस्पोटक नभएर तर्साउन मात्रै राखिएको जानकारी दिएका हुन् ।
नेकपा एमालेको मध्यपहाड केन्द्रित संकल्प यात्राका लागि टोली आज फिदिमबाट च्याङथापु हुँदै चिवाभञ्ज्याङतर्फ जाँदै छ । तर, सो सडकको पुलमा राखिएको शंकास्पद वस्तु देखेपछि एमाले नेताहरू सवार गाडी केही समय रोकिएका थिए । अहिले टोली त्यहाँबाट च्याङथापुका लागि हिँडिसकेको छ ।
