चितवनको राप्ती नगरपालिका–८ खुरखुरेमा दुई बस एक आपसमा ठक्कर खाँदा २५ जना घाइते भएका छन् ।
इलाका प्रहरी कार्यालय भण्डाराका अनुसार आज दिउँसो पोखराबाट गौर तर्फ आइरहेको ग१ख ७५३२ नं.को यात्रु बाहक बस र वीरगन्जबाट काठमाडाँै तर्फ जाँदै गरेको ना७ख ६०४१ नं.को बस एक आपसमा ठक्कर खाँदा दुवै सवारी साधनको चालक सहित दुबै सवारी साधनमा सवार यात्रुहरु घाइते भएका हुन् ।
घाइतेहरुको भरतपुरका विभिन्न अस्पतालमा उपचार भइरहेको प्रहरीले जनाएको छ ।
प्रहरीका अनुसार १.ना७ख ६०४१ बस चालक नाम, थर नखुलेको वर्ष ३९÷४० को पुरुष गम्भीर घाइते भएका छन् । उनको चितवन मेडिकल कलेजमा उपचार भइरहेको छ । ग१ख ७५३२ नं.को बसको सहचालक रौतहट चन्थपुर–६ का २२ वर्षीय सुदर्शन पट्टेल मध्यम, सोही बसमा सवार भरतपुर ९ बस्ने वर्ष ४२ की राधा तिमल्सिना सामान्य घाइते भएकी छन् । अन्य घाइतेहरुमा सुरेश राय, फुल कुमारी देवी, जय मंगल राय यादव, अर्पना चौधरी, गिता भुजेल, जुनामाया अधिकारी, राममाया, श्री बहादुर तितुङ, बिवेक गुप्ता, महोमद अस्ताव, मिना लम्साल, क्षितिज लम्साल, कृष्णमाया जिम्बा, महोमत अर्मान, बछिया देवी, अर्जुन ठाकुर, कौशिला रेग्मी, शिवबालक साह, अनत राउत, रामनाथ साह, वली प्रसाद कलवार, रानी धोवी, ब्युटी कुमारी कलवार, जुना थापा, जमदार कुमार, शर्मिला कँडेल, किश्वर गुप्ता, संजिता घोष रहेका छन् ।
