चितवन, साउन २२-

चितवनमा डेँगु संक्रमण हरेक दिन बढ्दै गएको छ ।

स्वास्थ्य कार्यालय चितवनले उपलब्ध गराएको तथ्यांक अनुसार हरेक दिन चितवनमा डेँगु संक्रमित थपिँदै गएर ४१ जना पुगेको हो ।
तथ्यांक अनुसार साउन १९ गते ३७ जना संक्रमित रहेकोमा संख्या बढेर साउन २१ गते ३९ जना पुगेकोमा आज साउन २२ गते ४१ जना पुगेको छ । चितवनमा बिगत २४ घण्टामा दुई जना संक्रमित थपिएका छन् ।

साउन १ गतेदेखि २२ गतेसम्मको तथ्यांकअनुसार अहिलेसम्म चितवनमा भरतपुरमा ६ जना, खैरहनी नगरपालिकामा चार जना, रत्ननगर नगरपालिकामा ७ जना, राप्तीमा चार जना र कालिका नगरपालिकामा एक जना संक्रमित भएका छन् । त्यसैगरी संक्रमितमध्ये ठेगना नखुलेका ५ जना छन् भने अन्य जिल्लाका संक्रमितहरु १० जना रहेका छन् ।