भरतपुरमा तनाव व्यवस्थापन तथा आफ्नो हेरबिचार (स्ट्रेस म्यानेजमेन्ट तथा सेल्फ केयर) बारे एक दिने गोष्ठी भएको छ ।
रोटरी क्लब अफ नारायणी मिड टाउन र महिला उद्यमी संघ नेपालले संयुक्तरुपमा सो गोष्ठी गरेका हुन् ।
तनाव भनेको के हो, यसको व्यवस्थापन कसरी गर्न सकिन्छ भन्ने बारेमा मनौवैज्ञानिक परामर्शदाता निशा ढकालले अभिमुखीकरण गरेकी छन् । रोटरी क्लब अफ नारायणी मिड टाउनकी अध्यक्ष अर्पणा प्रधानको अध्यक्षतामा भएको कार्यक्रममा क्लबका पदाधिकारीहरु र व्यवसायीहरु गरी ३५ जनाको सहभागिता रहेको छ ।
