आउँदो भदौदेखि देशभर प्रदर्शनमा आउन लागेको चलचित्र ‘नम्बरी सुन’को चितवनमा च्यारिटी शो गरिएको छ ।
सुनचाँदी व्यवसायी संघ चितवन र विश्वकर्मा सेवा समिति चितवनको संयुक्त आयोजनामा आइतबार साँझ नारायणगढस्थित क्वीएपएक्स जलमा हलमा फिल्मको च्यारिटी शो गरिएको सुनचाँदी व्यवसायी संघका उपाध्यक्ष एवं कार्यक्रम संयोजक उत्सव खातीले जानकारी दिए ।
च्यारिटी सो मा ५ सय भन्दा बढी दर्शकहरुको उपस्थिति रहेको विश्वकर्मा सेवा समिति चितवनका अध्यक्ष विपिन रामुदामुले जानकारी दिए। कार्यक्रममा कलाकार राजाराम पौडेललाई सम्मान समेत गरिएको थियो ।
२ घण्टा ९ मिनेटको सुनचाँदी र कालिगढको इतिहाँसको बारेमा तयार गरिएको उक्त फिल्म सुनचाँदी पेशासंग सम्विन्धित पहिलो फिल्म भएको निर्माता तथा कलाकार नारायण खातीले बताए । नारायण खातीको कथा तथा प्रस्तुतिमा निर्माण भएको उक्त सिनेमामा गौरव पहारी, नम्रता सापककोटा, सरोज खनाल, राजाराम पौडेल, बुद्धि तामाङ, किरण नेपाली, सविन बास्तोला, विनोद न्यौपाने, गीता अधिकारी, स्मृति ओली, अस्मिता बस्नेत, नारायण खाती, लक्ष्मण विक्रम बस्नेत, माया श्रेष्ठ, हिरादेवी श्रेष्ठ, रोजिना कार्की, संगीता शर्मा, आशा भारती, अनिता गिरी लगायतका कलाकारको अभिनय रहेको छ ।
राजु गिरीको निर्देशन र सुवर्ण शिभान्स प्रोडक्सनकोे ब्यानरमा निर्माण भएको चलचित्रमा काजल गिरी, कंगना गिरी, बिमर्स कुँवर, सक्षम गहतराज, श्रीयान्स खाती लगायतका बाल कलाकारको पनि अभिनय रहेको छ ।
‘नम्बरी सुन’ मा अर्जुन पोखरेल र सन्तोष श्रेष्ठको संगीत, रामजी लामिछाने नृत्य निर्देशन रहेको छ । दिव्य सुवेदीको छायांकन, देव महर्जनको द्धन्द्व निर्देशन रहेको फिल्मको मुख्य सहायक निर्देशन जीवन गौतम रहेका छ्न् । सिनेमा लमजुङको भुजुङ्ग गाउँ, मनाङ र काठमाडौंका विभिन्न ठाउँमा छायांकन गरिएको छ ।
