अन्ततः राष्ट्रिय क्रिकेट टोलीका प्रमुख बलर सन्दीप लामिछाने विदेश जाने अनुमति पाएका छन् ।
सर्वोच्च अदालतले सोमबार क्रिकेटर लामिछानेलाई पुनः पक्राउ गर्नु नपर्ने फैसला गरेको छ । उनलाई विदेश जाने अनुमतिसमेत दिइएको छ । न्यायाधीशद्वय सपना मल्ल प्रधान र कुमार चुँडेलको संयुक्त इजलासले उक्त फैसला गरेको हो ।
यसअघि धरौटीमा छाड्ने पाटन उच्च अदालतको आदेशविरुद्ध सरकारी पक्षले पुनरावेदन गरेको थियो ।
