चितवनकै सर्वाधिक धनराशीको एक्सपर्ट क्वीज च्याम्पियन २०२३ मा भरतपुरको शरदपुर माध्यमिक विद्यालय दोस्रो चरणमा प्रवेश गरेको छ ।
बिहीबार प्रशारित दोस्रो इपिसोडबाट दुई विद्यालयलाई पछि पार्दै शरदपुर दोस्रो चरणमा प्रवेश गरेको हो । शरदपुरले ९० अंक प्राप्त गर्दा इडन गार्डेन स्कुलले ३५ र विश्वप्रकाश माध्यमिक विद्यालय भरतपुरले १० अंक मात्र प्राप्त गर्न सक्यो ।
यस प्रतियोगिता हरेक साताको बिहीबार, शुक्रबार र शनिबार तीन दिन टिभी कालिका एचडी र नारायणी टिभी युट्युव च्यानलमा साँझ ७ः३० बजे एकसाथ प्रशारण हुँदैछ । आज शुक्रबार पनि साँझ तेस्रो इपिसोड प्रशारण हुँदैछ । तेस्रो इपिसोडमा माडी स्कुल र बालकुमारी कन्या माविबीच प्रतिस्पर्धा हुँदैछ ।
नारायणी एडभटाईजिङ एण्ड इभेन्ट्स प्रा.लि.को आयोजना र एक्सपर्ट एजुकेशन एण्ड भिजा सर्भिसेस चितवनको प्रस्तुतीमा क्वीज संचालन गरिएको हो । क्वीजमा चितवनका कुल ४८ वटा माध्यमिक विद्यालय तथा कलेजहरुको सहभागिता रहेको छ । यस क्वीज कार्यक्रम करिव दुई महिनासम्म चल्नेछ ।
चितवनकै सर्वाधिक धनराशीको यस प्रतियोगिताको बिजेताले नगद ५० हजार रुपैयाँ, ट्रफी, मेडल र प्रमाण पत्र प्राप्त गर्नेछन् । यस्तै द्धितीय हुनेले नगद ३० हजार रुपैयाँ, ट्रफी, मेडल र प्रमाण पत्र प्राप्त गर्नेछन् भने तृतीय हुनेले नगद २० हजार रुपैयाँ, ट्रफी, मेडल र प्रमाण पत्र प्राप्त गर्ने छन् । प्रतियोगितामा सहभागि सबै विद्यार्थीहरुलाई आकर्षक उपहार प्रदान गरिने छ भने सहभागि विद्यालयलाई पनि विशेष मायाको चिनो प्रदान गरिने छ ।
यस क्वीजलाई अष्ट्रेलिया, क्यानडा, युके र अमेरिकामा उच्च शिक्षाका लागि नेपाली विद्यार्थीहरुलाई परामर्श दिँदै आइरहेको एक्सपर्ट एजुकेशन एण्ड भिजा सर्भिसेस चितवनले प्रस्तुत गरेको छ भने अष्ट्रेलियामा रहेको ब्राइटन कलेज र अष्ट्रेलियन स्कुल अफ एकाउण्टिङ (एएसए)ले सहकार्य गरेको छ । पावर्ड बाइमा युनाइटेड टेक्निकल कलेज भरतपुर रहेको छ । यस्तै सहयोगी संस्थाहरुमा हिसान चितवन, वैष्णव, सगरमाथा टेलरिङ सटिङ एण्ड सुटिङ लायन्स चोक नारायणगढ, नेपो फर्निचर, हस्पिटालिटी पार्टनरमा होटेल सिराइँचुली, होटल ह्याप्पी होम कमलनगर नारायणगढ, साउण्ड पार्टनरमा एक्सीस साउण्ड सिस्टम एण्ड होम भरतपुर रहेको छ ।
मिडिया पार्टनमा नारायणी अनलाइन, कालिका एफएम, सञ्चारपत्र दैनिक, सेतो नेपाल डटकम, ब्रोडकास्टिङ पार्टनमा टिभी कालिका एचडी र नारायणी टिभी रहेको छ ।
