नेपाली कांग्रेसले राष्ट्रपति निर्वाचनमा मिलेर जान नेकपा माओवादी केन्द्रका अध्यक्षसमेत रहेका प्रधानमन्त्री पुष्पकमल दाहाल प्रचण्डलाई प्रस्ताव गरेको छ।
कांग्रेस सभापति शेरबहादुर देउवा, नेता रामचन्द्र पौडेलसहित शीर्ष नेता आइतबार बेलुकी बालुवाटार पुगेर राष्ट्रपतिमा कांग्रेसले उठाउने उम्मेदवारलाई माओवादीबाट सहयोग गर्न प्रस्ताव गरेका हुन्।
‘राष्ट्रपति निर्वाचनमा हामीलाई सहयोग गर्नुहोस् भनेर सभापतिजीले प्रधानमन्त्रीजीलाई प्रस्ताव राख्नुभएको छ। प्रधानमन्त्रीजीले यसबारे पार्टीभित्र छलफल गरेर निर्णय दिन्छु भन्नुभएको छ,’ कांग्रेसका वरिष्ठ नेता रामचन्द्र पौडेलले भने।
