भरतपुर इग्लिस स्कुल सोसाइटी (बेस) मा आवद्ध विद्यालयहरु मध्ये गत वर्षको एसएलसीमा नारायणगढको भृकुटी बोर्डिङ स्कुल सर्वाेत्कृष्ट भएको छ ।
जिल्ला शिक्षा विकास समन्वय इकाईले सार्वजनिक गरेको तथ्यांकमा सो बोर्डिङ पहिलो भएको हो ।
इकाइको मूल्यांकनमा भृकुटीले २०७८ को एसईईमा ३.१६ जीपीए ल्याएको छ । त्यसैगरी चितवन जिल्लाभित्रबाट भने सो बोर्डिङ तेस्रो स्थानमा रहेको छ । जिल्लाभरमा सनराइज स्कुल ३.२७ जीपीए ल्याएर पहिलो, लिटिल फ्लावर स्कुलले ३.२३ जीपीए ल्याएर दोस्रो स्थानमा रहेका छन् । सनराइज र लिटिल फ्लावर बेसमा आवद्ध रहेका छैनन् । भरतपुर इग्लिस स्कुल सोसाइटीमा ४३ वटा निजी स्कुलहरु रहेका छन् ।
भृकुटी बोर्डिङ स्कुलका सहायक प्राचार्य होमनाथ न्यौपानेले विद्यालयको चुस्त र गुणस्तरीय व्यवस्थापनले गर्दा नै विद्यालय गत वर्षको एसईईमा सफल भएको नारायणी अनलाइनलाई बताए ।
