शुक्रबार शीतलनिवासस्थित राष्ट्रपति कार्यालयमा एमाले अध्यक्ष केपी शर्मा ओली, एकीकृत समाजवादीका अध्यक्ष माधवकुमार नेपाल, नेपाल समाजवादी पार्टीका अध्यक्ष बाबुराम भट्टराई र एकीकृत समाजवादीका सम्मानित नेता झलनाथ खनालको एकै साथ भेट भएको छ । नवनिर्वाचित सभामुख देवराज घिमिरेको शपथ ग्रहणको कार्यक्रममा उनीहरुको भेट भएको हो । भेटको क्रममा उनीहरु एकै साथ एकै लहरमा बसेका छन् ।
‘एकै लहरमा बस्ने क्रममा ओलीले नेपाललाई ठट्टा गदै हामी फेरि सँगै परिएछ भनेको छन् । तर, ओलीको उक्त ठट्टा प्रति सँगै पर्नु राम्रै भएको र यसरी धेरै सँगै परियो भने माया पलाउँदै जाने भनेर मैले पनि ठट्टा गरें,’ भट्टराईले भने।
एमाले अध्यक्ष ओली र एकीकृत समाजवादीका अध्यक्ष नेपालबीच पार्टी विभाजनपछि पहिलो पटक प्रधानमन्त्री पुष्पकमल दाहाल ‘प्रचण्ड’ले पुस ११ मा शपथ लिँदा कुराकानी भएको थियो। त्यसबेला दुई नेताबीच सामान्य कुराकानी भएको थियो।
