प्रतिनिधिसभा र प्रदेश सभा निर्वाचनबाट पहिलो पार्टी बने पनि गठबन्धनमा भंग भएर संघ र प्रदेश दुवैतिरका सरकारबाट बाहिरिएको नेपाली कांग्रेसले भावी रणनीति बनाउन संसदीय दलको बैठक बसिरहेको छ । शेरबहादुर देउवा प्रधानमन्त्रीबाट हटेपछि पहिलोपटक कांग्रेसको औपचारिक छलफलका लागि आज संसदीय दलको बैठक बसेको हो ।
यसअघि निर्धारित केन्द्रीय कार्य समिति बैठक स्थगित गरेर कांग्रेसले संसदीय दलको बैठक बोलाएको हो ।
सोमवारबाट प्रतिनिधि सभाको बैठक बस्ने र प्रधानमन्त्रीले विश्वासको मत लिने तयारी भएकाले पार्टीको रणनीति बनाउन दलको बैठक बसेको हो ।
