चितवन उद्योग संघका निवर्तमान अध्यक्ष राजु पौडेल भरतपुर अस्पताल विकास समितिको अध्यक्षमा नियुक्त भएका छन् । स्वास्थ्य तथा जनसंख्या मन्त्रालयले पौडेललाई अध्यक्षमा नियुक्त गरेको मन्त्रालयका सचिव रोशन पोखरेलले जानकारी दिए ।
पौडेल फ्रेन्ड्स अफ भरतपुर अस्पतालको संयोजक समेत हुन् । उक्त संस्थामा रहेर पौडेलले भरतपुर अस्पतालको विकासमा योगदान दिंदै आएका थिए । भरतपुर अस्पतालको अध्यक्ष हुँदा डा.भोजराज अधिकारी राजीनामा दिएर चुनाव लड्न गएपछि उक्त पद रिक्त थियो ।
डा.अधिकारी मंसिर ४ गते सम्पन्न निर्वाचनमा चितवन क्षेत्र नं.३ बाट चुनाव लड्दै पराजित भएका थिए ।
