चितवन राष्ट्रिय निकुञ्जमा दुई गैंडा मृत फेला परेका छन् । निकुञ्जको अमलटारी सेक्टरको कुजौली रेञ्जपोस्ट अन्तर्गत नारायणी नदी किनारमा रहेको निकुञ्जको कोर क्षेत्रमा ६ महिनाको भाले गैंडा बृधबार मृत फेला परेको हो । सो गैंडाको खाग पलाएको छैन ।
निकुञ्जका सूचना अधिकारी गणेश तिवारीले नारायणी अनलाइनलाई दिएको जानकारी अनुसार निकुञ्जको अमलटारी सेक्टर लामीचौर पोष्ट अन्तर्गत गुन्द्रही ढका मध्यवर्ती सामुदायिक वन क्षेत्र आज विहान पनि एक पोथी गैंडा मृत फेला परेको छ ।
१५ बर्षको पोथी गैंडा आपसमा जुधेर मरेको निकुञ्जका सूचना अधिकारी तिवारीले नारायणी अनलाइनलाइ बताए । त्यस्तै तिवारीका अनुसार गैंडाको खाग र खुर भने सुरक्षित छन् ।
