प्रदेश १ बाट प्रतिनिधिसभा सदस्यमा विजयी भएका माओवादी केन्द्रका नेता सुदन किराँतीले विजय जुलुस र भोजभतेर नगर्ने बताएका छन् । उनले सामाजिक संजाल फेसबुकमा स्टाटस लेख्दै भोजभतेर र विजय जुलुस निकाल्ने पैसाले फुसको घर जस्ता हाल्ने बताएका हुन् ।
किराँती निर्वाचित भएको अन्तिम मत परिणाम बिहीबार साँझ सार्वजनिक भएको हो । उनले नेकपा एमालेका प्रभावशाली नेता तथा प्रदेश १ का पूर्वमुख्यमन्त्री शेरधन राईलाई पराजित गरेका छन् ।
त्यस्तै उनले शेरधनलाई २ हजार ३८५ मतले पराजित गरेका हुन् । किराँतीले २८ हजार ५७८ मत प्राप्त गर्दा राईले २६ हजार १९३ मत प्राप्त गरेका छन् ।
