चितवन निर्वाचन क्षेत्र नं १ को प्रदेशसभा (१) मा नेकपा एमालेका जगन्नाथ थपलिया निर्वाचित भएका छन् । थपलियाले १७ हजार ६८८ मत ल्याउँदा उनका निकटतम प्रतिस्पर्धी नेपाली कांग्रेसका किरणभुषण ओलीले १० हजार ७१२ मत ल्याए।
यस क्षेत्रमा नेपाली कांग्रेसबाट बागी उठेका स्वतन्त्र उम्मेदवार धनबहादुर गुरूङले ६ हजार २६५ मत ल्याउँदै तेस्रो भए । प्रदेश २ मा सत्तारूढ गठबन्धनका उम्मेदवार नेकपा एकीकृत समाजवादीका कृष्णप्रसाद खनालले अग्रता लिइरहेका छन् । चितवन १ को प्रतिनिधिसभा सदस्यमा राष्ट्रिय स्वतन्त्र पार्टीका उम्मेदवार हरि ढकाल फराकिलो अन्तरसहित अगाडि छन् ।
