नेकपा (माओवादी केन्द्र)का अध्यक्ष एवम् पूर्व प्रधानमन्त्री पुष्पकमल दाहाल प्रचण्डले आज संविधान दिवस–२०७९ को शुभकामना दिएका छन् । शुभकामना वक्तव्य जारी गर्दै प्रचण्डले संविधानकै कार्यान्वयनको क्रममा आगामी मंसिर ४ गते प्रतिनिधि सभा र प्रदेश सभा सदस्य निर्वाचन हुन लागेको बताए ।
‘संविधान एवं सिंगो व्यवस्थाको रक्षा र सुदृढीकरणका लागि यस निर्वाचनमा गठबन्धनमा रहेका दलहरुको जीत अपरिहार्य भएको छ’, उनले वक्तव्यमा भनेका छन् ।
प्रतिगमन विरोधी अग्रगामी सम्पूर्ण नेपाली जनसमुदायले गठबन्धनमा रहेका दलहरुलाई विजयी गराई संविधान रक्षा एवं सफल कार्यान्वयनका लागि उनले अपील गरेका छन् ।
सिंहदरबारमा रहेको एकात्मक राज्य व्यवस्थाको केन्द्रीकृत शासन प्रणालीलाई नागरिकको घरदैलोमा पु¥याउने श्रेय वर्तमान संविधानलाई जाने भन्दै उनले यसले नागरिकलाई ‘गाउगाउँमा सिंहदरबार’को अनुभूति गराएको दाबी गरे ।
