भरतपुर महानगरपालिका–३ बाह्रघरेस्थित उर्मिला चौधरीको घरमा मार्बल काट्न बल्बको तार जोड्ने क्रममा करेन्ट लागेर भारतीय नागरिक घाइते भएका छन् ।
आज (बिहीबार) साँझ करिब साढे ६ बजेको समयमा खाली खुट्टा बल्बको तार जोड्ने क्रममा दुवै हातमा करेन्ट लागेर भारत मोतिहारी घर भई हाल भरतपुर–७ विशाल चोक बस्ने ३२ वर्षीय पप्पु कुमार दास घाइते भएका हुन् ।
घाइते दासको भरतपुर अस्पतालमा उपचार भइरहेको जिल्ला प्रहरी कार्यालय चितवनका प्रवक्ता विजयराज पण्डितले जानकारी दिए ।
