चितवन, भदौ २४–
मातृ शोकमा रहेका नेकपा एमालेका उपाध्यक्ष एवम् पूर्व गृहमन्त्री रामबहादुर थापा बादललाई भेट्न एमालेका अध्यक्ष तथा पूर्वप्रधानमन्त्री केपी ओली चितवन आउने भएका छन् ।
बादललाई भेट्न ओली १०ः५५ बजेको फ्लाईटमा भरतपुर विमानस्थलमा आइुपुग्ने एमाले नेत्री पार्वती रावलले जानकारी दिइन् ।
क्षेत्रपुरस्थित निवासमा ओली र बादलबीच करिब १ घण्टा भेटघाट हुने रावलले बताइन् । ‘बादल’ की आमाको निधन भएको आज ६ दिन भएको छ ।
प्रधानमन्त्री एवंम नेपाली कांग्रेसका सभापति शेरबहादुर देउवा पनि पार्टीको कार्यक्रममा सहभागी हुन चितवन आउँदै छन् ।
