सरकारले आयातमा गरेको प्रतिबन्ध केही खुला गरेको छ ।
गत वैशाखदेखि सरकारले १० वटा वस्तुको आयातमा भदौ १० सम्म रोक लगाएकोमा अहिले केही वस्तु खुकुलो र केहीलाई बन्देज लगाएको हो ।
यसमध्ये सरकारले केही सीमित वस्तुको आयात खुला गरेको छ भने केहीको प्रतिबन्ध असोज २८ गतेसम्मलाई लम्ब्याएको छ ।
कुरकुरे, लेज र यस्तै उत्पादनहरू, चुरोट तथा सूर्तिजन्य वस्तु (कच्चापदार्थ बाहेक), हिरा (औद्योगिक कच्चा पदार्थबाहेक), ३२ इन्चभन्दा माथिका रंगीन टेलिभिजन, सबै प्रकारका खेलौना र खेल्ने तास आयात खुकुलो भएको छ ।
सरकारले चार वस्तुमा भने अझै प्रतिबन्ध कायम गरेको छ।
सबै प्रकारका तयारी मदिरा, ३०० डलर माथिका स्मार्टफोन, जिप, कार र भ्यान, एक सय ५० सिसी माथिका मोटरसाइकलमा प्रतिबन्ध कायम रहनेछ ।
