काठमाडौँ उपत्यकामा आज बिहीबारदेखि साझा यातायातले सेवा विस्तार गरेको छ । पहिलो चरणमा ल्याएका साझाका तीन वटा बिजुली बसले काठमाडौंंमा सेवा सुरु गरेको हो । बिहान साझाको पुल्चोकस्थित कार्यालयबाट ती बसहरुले औपचारिक रुपमा सेवा शुभारम्भ गरिएको थियो ।
बिहीबार साझा यातायातका संस्थापक अध्यक्ष विश्ववन्धु थापाले बसहरुको सेवाको औपचारिक शुभारम्भ गरेका हुन् । थापाका अनुसार उक्त बिजुली बसले साझाले नियमित सेवा दिंदै आएका रुटहरुमा मात्रै सेवा दिने छ ।
यी बसमा महिला चालक र सहचलकको व्यवस्था गरिएको छ । त्यस्तै अब बाँकी रहेका ३७ वटा बस पनि आउने साझा यातायातका अध्यक्ष कनकमणि दिक्षितले बताए । चीनको नानजिंगस्थित सीएचटीसीएचओ कम्पनीको विद्युतीय बसको कारखानामा यी बस तयार भएका हुन् ।
