राप्तीका मेयर शमसेर लामाले राप्ती नगरपालिका–६ हर्दीको सशस्त्र ब्यारेकव्यारेक नजिकै रहेको उप्रेती टोल जाने बाटोको पिच निर्माणको निरीक्षण गरेका छन् ।
काममा ढिलासुस्ती भएको भन्दै स्थानीयले गुनासो गरेपछि मेयर लामाले सो सडकको निरीक्षण गरेका हुन् । स्थानीयले कच्ची बाटोको पिच र एकतर्फी ढल निर्माणको काम ढिलासुस्ती भएको भन्दै पिच गर्नको लागि कुनै पनि मापदण्ड नअपनाइएको गुनासो गर्दै आइरहेका छन् ।
२०७४ सालदेखि अहिलेसम्म पूर्वपश्चिम राजमार्गसँग जोडिएको बाटोलाई अघिल्लो स्थानीय सरकारले कुनै वास्ता समेत नगरेको स्थानीयको आरोप छ । अघिल्लो स्थानीय सरकारबाट बल्ल तल्ल गत वर्ष सो बाटोको लागि १० लाख रुपैयाँको बजेट परेको थियो तर अहिलेसम्म असार महिना लाग्दा समेत बाटो पिचको काम हुन सकेको छैन ।
