भरतपुर महानगरपालिका गठबन्धन तर्फबाट माओवादी केन्द्रकी मेयरको उम्मेदवार रेनु दाहालले आठ हजार बढी मतले अग्रता लिएकी छन् ।
आज दिउँसोसम्म भएको ९४ हजार २३२ गणनामा दाहालले एमालेका उम्मेदवार विजय सुवेदी भन्दा आठ हजार ५९ मतले अग्रता लिएकी हुन् । सुवेदीले २८, ९६८ मत ल्याएका छन् भने स्वतन्त्र मेयरका उम्मेदवार जगन्नाथ पौडेलले १२ हजार २३३ मत ल्याएका छन् । अहिले भरतपुर महानगरपालिका वडा नम्बर २१ को मतगणना भइरहेको छ । वडा नम्बर २१ को प्रारम्भिक मतगणनामा कांग्रेसका उम्मेदवार अगाडि छन् ।
चितवनका माओवादी नेताहरु रेनु दाहालले गरेको विकासलाई मत पराएर जनताले भोट दिएको भन्दै उनको अग्रता अझै बढ्दै जाने दाबी गरेका छन् । अहिले पश्चिम चितवनका विभिन्न वडाहरुको गणना भइरहेकोले यस क्षेत्रमा सुवेदीलाई भन्दा रेनुलाई धेरै मत आउने माओवादी चितवनको विश्वास छ ।
