दूतावासको सेल्टरबाटै सम्पर्कविहीन भएका सन्तोष साहको खाजी गरी दूतावासले नेपाल पठाएको छ ।
एक महिनाअघि दूतावासको अस्थायी सेल्टरबाट बाहिर निस्किई बेपत्ता भएका सन्तोष बुधबार भेटिएपछि बुधाबार नै दूतावासले नेपाल एयरलाइन्सको उडानमार्फत नेपाल पठाएको हो । दूतावासका अनुसार सन्तोषलाई प्रवेश नाम गरेका एक नेपालीले नै फेला परी दूतावासमा सम्पर्क गरेका थिए ।
दूतावासले सन्तोषको तत्काल उद्धार गरी स्वास्थ्य जाँच तथा उपचार गरी नेपाल पठाएको हो । त्रिभुवन अन्तर्राष्ट्रिय विमानस्थलमा आफन्तले सन्तोषलाई लिएका छन् । १९ अप्रिल अर्थात् वैशाख ५ गते राती करिब साढे ९ बजेतिर अरू सुतेको मौका पारी रियादको बथा भन्ने ठाउँबाट सन्तोष बाहिर निस्कनुभएको थियो ।
दूतावासका अनुसार डिप्रेसनको सिकार भएको र कसैसँग पनि नबोल्ने सन्तोषलाई दूतावासले सेल्टरमा राखी नेपाल पठाउने प्रक्रिया सुरु गरेको थियो । उहाँको स्वदेश फर्कनका लागि एक्जिट भिसासमेत प्राप्त भइसकेकाले दूतावासले तत्काल नेपाल पठाएको हो ।
