चितवनको कालिका नगरपालिकाको मेयरमा एमालेका विनोद रेग्मीले गठबन्धनतर्फबाट कांग्रेसका शिवराम केसीलाई ५ मतले पछि पारेका छन् ।
सुरुमा एमाले अगाडि रहेको कालिकामा पछि कांग्रेस अघि रहेकोमा अहिले फेरि एमाले अगाडि भएको छ । दुई उम्मेदवार बीचको तीव्र प्रतिस्पर्धाले मतगणना झनै रोचक बन्दै गएको देखिन्छ ।
एमालेका बिनोद रेग्मीको ८७५५ र गठबन्धन अन्तर्गत कांग्रेसका शिवराम केसीले ८७५० मत प्राप्त गरेका हुन् । उपमेयरमा भने एमालेको अग्रता रहेको छ । उपमेयरमा एमालेकी बिमला लामाले ८५९८ र गठबन्धन अन्तर्गत माओबादीकी सबिता लामाले ८०१६ मत प्राप्त गरेकी छन् । उपमेयरमा पनि एमाले ५८२ मतले अगाडि छ ।
