भरतपुरको सेन्ट जेभियर्स इन्सिच्युटले वैशाख २१ गतेबाट एसईई सकेका विद्यार्थीहरुलाई लक्षित गरेर ब्रिज कोर्स सञ्चालन गर्ने भएको छ ।
संस्थाका ब्रिज कोर्स कोअर्डिनेटर सन्तोष अधिकारीका अनुसार विज्ञान, एचए, फार्मेसी, स्टाफ नर्सलगायत सीटीईभीटीको विभिन्न विषयको तयारीका लागि सो कोर्स सञ्चालन गर्न लागिएको हो । करिब तीन महिनासम्म सञ्चालन हुने कक्षाले विद्यार्थीलाई उच्च शिक्षा र जीवनउपयोगी शिक्षातर्फ जोड्ने इन्सिच्युटको विश्वास रहेको छ । विसं २०६७ देखि विभिन्न कोर्सहरु सञ्चालन गरिरहेको संस्थामा अध्ययन गरेका विद्यार्थीहरुले विभिन्न राष्ट्रिय परीक्षामा उत्कृष्ट नतिजा हासिल गरेको इन्सिच्युटको दाबी छ ।
तयारी कक्षाको साथमा विद्यार्थीहरुलाई रचनात्मक कार्यक्रम, प्रयोगात्मक कक्षा र सेमिनारहरु आयोजना गर्दै आइरहेको छ । चितवन मेडिकल कलेजको पछाडि रहेको इन्सिच्युटले गरिब, जेहन्दार र सरकारी विद्यालयका विद्यार्थीहरुलाई विशेष छुटको व्यवस्थासमेत गरेको जनाइएको छ ।
