चेपाङ समुदायको जागरणका लागि तयार गीत ‘चेपाङ बस्ती’ सार्वजनिक भएको छ ।
चितवनमा चेपाङ समुदायको बसोबास रहेको स्थान जिमलिङ चौतारामा छायांकन भएको भिडियो माइकल चन्दले निर्देशन गरेका हुन् ।
चितवनकै सन्तोष श्रेष्ठको संगीत रहेको गीतमा विश्व कीर्तिमानी गीतकार डा. डीआर उपाध्यायका चेपाङ समुदायका समस्या, त्यसको समाधानका लागि राज्यबाट हुनुपर्ने पहल र विभिन्न जागरणका कार्यक्रमका विषय समेटिएको सामाजिक सन्देशमूलक रहेको गीतकार उपाध्यायले बताए ।
भिडियोमा चेपाङ समुदायका विभिन्न व्यक्तिहरू, पत्रकार, नेपोलियन चेपाङ, गीतकार डा. उपाध्याय, सुनिता खनाल, यमबहादुर घर्ती, कृष्ण भुसालको अभिनय समेटिएको छ ।
उत्सव दाहालको छायांकन रहेको यो जागरण गीतको भिडियो डीआर म्युजिक क्रियशनको युट्युबमार्फत् सार्वजनिक गरेको छ । केही अगाडि ८० विश्व रेकर्ड बनाएका डा. उपाध्याय अहिले १०३ विश्व रेकर्ड पुर्याउने दौंडमा छन् ।
