चितवनका युवा व्यवसायी कृष्ण सापकोटा उद्योग वाणिज्य संघ–चितवन हिरालाल सन्तुदेवी उत्कृष्ट युवा उद्यमी पुरस्कार २०७६–७८ बाट पुरस्कृत भएका छन् ।
उद्योग वाणिज्य संघ–चितवनले शनिबार ५५औं वार्षिक साधारणसभा तथा अधिवेशनको अवसरमा सापकोटालाई पुरस्कृत गरेको हो । चितवनमा उद्योग/व्यवसाय संचालन गरि नवप्रवर्तक प्रविधिको उच्चतम प्रयोग गर्दै रोजगार सिर्जना र यस क्षेत्रको आर्थिक विकासमा महत्वपूर्ण योगदान दिएको भन्दै कालिका हस्पिटालिटी एण्ड फुड्स प्रा.लि.का कार्यकारी निर्देशक सापकोटालाई नगद एक लाख रुपैयाँसहित पुरस्कृत गरिएको हो ।
कार्यक्रमका प्रमुख अतिथि उद्योग वाणिज्य महासंघका वरिष्ठ उपाध्यक्ष चन्द्र प्रसाद ढकाल, संघका अध्यक्ष राजु श्रेष्ठ र पुरस्कारका प्रमुख संरक्षक ज्ञानेन्द्रमान प्रधानले सापकोटालाई नगद र सम्मान पत्रले सम्मान गरेका हुन् ।
