नेपाली कांग्रेस चितवनले जिल्ला अधिवेशनलाई भव्यताका साथ सम्पन्न गर्न निर्वाचन प्रक्रियालाई अघि बढाएको छ ।
आज बसेको जिल्ला समितिको बैठकले फागुन १५ गते व्यवस्थित रुपमा जिल्ला अधिवेशन गर्ने तयारी गरेको छ । निर्वाचनलाई व्यवस्थित र सभ्य बनाउन निर्वाचन स्थलमा फ्लेक्स प्रिन्ट, होर्डिङ बोर्ड जस्ता प्रचार सामग्रीहरु प्रयोग गर्न नपाइने निर्णय गरिएको जिल्ला सभापति जितनारायण श्रेष्ठले जानकारी दिए ।
निर्वाचन तालिका अनुसार १४ गते उम्मेद्वारी मनोनयन पत्र दर्ता र १५ गते मतदान हुने सभापति श्रेष्ठले बताए । उनले जिल्ला अधिवेशन भरतपुरस्थित चितवन मिड टाउन रिसोर्टमा गर्ने निर्णय गरिएको जानकारी दिए ।
