आइसीसी टि–२० विश्वक छनोट खेल्न ओमान पुगेको नेपाली क्रिकेट टोलीको अन्तिम १४ सदस्यीय टोली घोषणा गरिएको छ । ओमान चारदेशीय सिरिजका लागि पुगेको १७ खेलाडीबाट प्रशिक्षक पुबुदु दासानायकेले १४ सदस्यीय विश्वकप छनोट खेल्ने टोली घोषणा गरेका छन् ।
टि–२० सिरिजमा सहभागिता जनाएका कुशल मल्ल, प्रदीप ऐरी र शाहब आलम बाहिरिएका छन् । उनीहरुलाई वैकल्पिक खेलाडीको सूचीमा राखिएको छ । विश्वकप छनोट प्रतियोगिता यही फागुन ६ गतेदेखि ओमानमा सुरु हुँदैछ । नेपाल पहिलो खेलमा फागुन ६ गते घरेलु टोली ओमानसंग विहान ११ः४५ बजे खेल्दैछ । यस्तै दोस्रो खेलमा फिलिफिन्स र समूहको अन्तिम खेलमा क्यानडासंग खेल्दै छ ।
८ टिम सहभागि टोलीलाई दुई समूहमा विभाजन गरिएको छ । फाइनल पुग्ने दुई टोली यसैवर्ष अष्ट्रेलियामा हुने टि–२० विश्वकपमा छनोट हुनेछ ।
