ओमानमा जारी चार देशीय टि–२० सिरिज अन्तरगत युएईले नेपालसामु १९३ रनको विशाल लक्ष्य पेश गरेको छ । अलमरेटमा टस हारेर पहिले व्याटिङ गरेको युएईले चिराग सुरीको अर्धशतकीय पारीमा ३ विकेटको क्षतिमा १९२ रन बनायो ।
सुरीले ५३ बलमा ८४ रन बनाउदै अविजित रहे । उनले ५ चौका र ५ छक्का प्रहार गरे । यस्तै मोहम्मद बोटा १४ रनमा अविजित रहे । उनले एक चौका र एक छक्का प्रहार गरे । रोहन मुस्ताफा ४९ रनमा आउट भए । मुहम्मद वासिम २२ र बासिल हामिद १७ रनमा आउट भए ।
नेपालको प्लेइङ ११ः
आशिफ शेख, लोकेश बम, ज्ञानेन्द्र मल्ल, दीपेन्द्र सिंह ऐरी, शरद भेषवाकर, आरिफ शेख, विवेक यादव, सन्दीप लामिछाने, कमल सिंह ऐरी, जितेन्द्र मुखिया र शाहब आलम
