Breaking News
चितवनमा आज २८९ संक्रमित थपिए, बजारमा भीडभाड उस्तै
चितवन, माघ १२-
चितवमा केही दिन यता तीब्रगतिमा कोरोना संक्रमण बढ्दै गएको छ । पछिल्लो २४ घण्टामा चितवनमा २८९ जनामा कोरोना संक्रमण पुष्टि भएकोे छ । स्वास्थ्य कार्यलय चितजनका अनुसार ६३७ जनाको पिसिआर र १८२ जनाको एन्टीजेन गरी ८१९ जनाको परीक्षण गर्दा २८९ जनामा संक्रमण पुष्टि भएको हो ।
भरतपुर महानगरपालिकाका २२१, खौरहनी नगरपालिकाका नौँ, माडी नगरपालिकाका १४, रत्ननगर नगरपालिकाका ३२, राप्ती नगरपालिकाका चार, कालिका नगरपालिकाका पाँच र इच्छाकामना गाँउपालिका चार जनामा संक्रमण देखिएको छ ।
यो सँगै जिल्लामा कोरोना संक्रिय संक्रमितको संख्या ३ हजार ७५८ पुगेको छ । आज जिल्लाका विभिन्न अस्पतालहरुमा ३८ जना कोरोना संक्रमित उपचाररत छन् । तीन हजार ७२० जना होम आइसोलेसनमा रहेका छन् ।
अहिलेसम्म कोरोनाका कारण ज्यान गुमाउनेको संख्या ४३८ रहेको छ । आज संक्रमित थपिएसँगै जिल्लामा कोरोना पोजेटिभ देखिनेको संख्या ३१ हजार ४३३ रहेको छ र संक्रमण मुक्त हुनेको संख्या २७ हजार २३७ पुगेको छ ।