खेलकुद
चितवनमा जारी सेन्ट्रल कलेज लिगमा सौराहाको लगातार तेस्रो बराबरी
०
चितवन, पुस २७-
सेन्ट्रल कलेज चितवन जिल्ला ए डिभिजन लिगमा सौराहा युवा समाज लगातार तेस्रो खेलमा बराबरीमा रोकिएको छ ।
आज भएको पहिलो खेलमा सौराहा माडीसँग गोलरहित बराबरीमा रोकिएको हो । दुबै टोलीले पाएका केही अवसर सदुपयोग गर्न सकेनन् ।
बराबरीपछि दुबै टोलीले अंक बाँडेका छन् । यससँगै सौराहाले ३ खेलबाट ३ अंक बनाएको छ । माडीको ३ खेलबाट ४ अंक भएको छ ।
खेलको ‘म्यान अफ दि म्याच’ सौराहाका डिफेन्डर प्रकाश चौधरी घोषित भए । लिगअन्तर्गत आजको दोस्रो खेल रामपुर फुटबल क्लब रड्स र हर्दी युवा समाजबीच हुनेछ ।
चितवन जिल्ला फुटबल संघको आयोजनामा जारी लिग माघ ८ गतेसम्म चल्नेछ । लिगमा १३ टोली सहभागी छन् । लिग विजेताले ट्रफीसहित एक लाख पाउनेछ भने उपबिजेताले ५० हजार प्राप्त गर्नेछ । तेस्रो र चौथो हुने टोलीले समान २५–२५ हजार प्राप्त गर्नेछ ।
तपाइको प्रतिक्रिया दिनुहोस्
Leave a Reply
सम्बन्धित समाचार
ताजा समाचार
छुटाउनु भयो कि?
>