दाङ, पुस २१-

दाङमा शिक्षक र विद्यार्थीलाई कोरोना संक्रमण पुष्टि भएपछि विद्यालय बन्द भएको छ ।

जिल्लाको तुल्सीपुर उपमहागरनपालिका– ८ आश्वरा माध्यमिक विद्यालयमा कोरोना पुष्टि भएपछि पठनपाठन बन्द भएको हो ।

लक्षण देखिएर स्थानीय मेट्रो अस्पतालमा एन्टिजेन परीक्षण गर्दा विद्यालयका छ शिक्षक र छ विद्यार्थी गरी १२ जनामा कोरोना संक्रमण पुष्टि भएको थियो ।

उपमहानगरपालिका शिक्षा शाखा प्रमुख चक्र भण्डारीका अनुसार मंगलबारदेखि पाँच दिनसम्म विद्यालयको पठनपाठन बन्द गरिएको छ ।

त्यस्तै तुल्सीपुर उपमहानगरपालिका–६ स्थित राप्ती बाल एकेडेमीका दुई विद्यार्थीमा पनि एन्टिजेन परीक्षण गर्दा कोरोना संक्रमण पुष्टि भएको छ ।