चितवनको भरतपुर–१० स्थित हाइटमा रहेको सिराइँचुली होटलमा अंग्रेजी नयाँ वर्ष विशेष कार्यक्रम हुने भएको छ । जिल्लामा पहिलोपटक ‘बल इभ’ नाम दिइएको विशेष कार्यक्रममा युवाहरुमाझ चर्चित यात्रा व्याण्डको सांगीतिक प्रस्तुती रहने छ ।
कार्यक्रम भोलि (शुक्रबार) साँझ ७ बजेदेखि सुरु हुनेछ । ‘बल इभ’ थिममा कार्यक्रममा हुने भएपछि सहभागिहरुका लागि विशेष प्रकारको मास्क प्रदान गरिने छ । होटलका म्यानेजर श्याम थापाका अनुसार न्यू इएर इभलाई विशेष बनाउने उद्देश्यले बल इभ थिममा कार्यक्रम गर्न लागिएको हो । कार्यक्रममा यात्रा व्याण्डको लाइभ प्रस्तुतीसंगै ‘लाइभ डिजे काउनडाउन’ र ‘फायर शो’ समेत गरिने म्यानेजर थापाले जानकारी दिए ।
कार्यक्रममा प्रवेशका लागि ५ हजार र ३ हजार रुपैयाँको टिकट राखिएको छ । ५ हजार टिकटमा स्पेशल डिनरका साथै केही समयका लागि विदेशी ब्राण्डका ‘अनलिमिटेड’ पेय पदार्थको व्यवस्था गरिएको थापाले बताए । ३ हजारको टिकटमा पनि स्पेशल डिनरका साथै ‘लिमिटेड’ नरम पेय पदार्थ व्यवस्था गरिएको छ ।
