नेपाली कांग्रेसको १४औं महाधिवेशन अन्तरगत नयाँ नेतृत्व चयनका लागि आज मतदान हुँदैछ ।
विहान ८ बजेदेखि मतदान सुरु हुने भनिए पनि अझै सुरु हुन सकेको छैन । संस्थापन पक्ष (देउवा समूह) र संस्थापन इतर (डा.शेखर कोइराला) समूहले आफ्नो प्यानलको सूची तयार पारेका छन् । ती दुई प्यानलमा चितवनबाट उम्मेद्वारी दिएका धेरैजसो नेताहरु समेटिएका छन् । देउवा प्यानलबाट ३ जना केन्द्रीय सदस्यका उम्मेद्वार समेटिएका छन् भने डा.शेखर कोइरालाको प्यानलमा ६ जना उम्मेद्वार समेटिएका छन् ।
केन्द्रीय सदस्यका लागि चितवनबाट १७ जनाले उम्मेद्वारी दर्ता गराएका थिए । जसमध्ये उम्मेद्वारी फिर्ताका लागि दिएको समयसीमामा भरतपुर महानगरपालिकाकी उपप्रमुख समेत रहेकी पार्वती शाह ठकुरीले उम्मेद्वारी फिर्ता लिइन् । अन्यले फिर्ता लिएका थिएनन् ।
तर राति अवेर केन्द्रीय सदस्यमा उम्मेद्वारी दिएकी विनु रायमाझी पौडेलले उम्मेद्वारी फिर्ता लिएको घोषणा गरिन् । जस अनुसार हाल १५ जना चुनावी मैदानमा छन् । ती मध्ये ९ जना मात्रै टिममा परेका छन् भने बाँकी उम्मेद्वार स्वतन्त्र रुपमा चुनावी मैदानमा छन् ।
कसको टिममा को परे ? हेर्नुहोस् सूची
संस्थापन समूह (शेरबहादुर देउवा टिम)
खर्स आर्यतर्फको केन्द्रीय सदस्यः १. प्रकाश अधिकारी
