पेट्रोलियम पदार्थ निर्यातकर्ता मुलुकको संगठन (ओपेक) र उसका सहयोगीले तेल उत्पादन बढाएसँगै अन्तर्राष्ट्रिय बजारमा लगातार छैटौं साता पनि पेट्रोलियम पदार्थको भाउमा गिरावट आएको छ।
ओपेक र उसका सहयोगी मुलुकले आगामी जनवरीबाट प्रतिदिन ४ लाख ब्यारेलले उत्पादन बढाउने निर्णय गरेका छन्।
त्यस्तै लामो समय सन् २०१८ पछि पहिलो पटक तेलको भाउमा निरन्तर घटेको हो। विशेषगरी ओमिक्रोन भेरियन्टबारे फैलिएको आशंकाले तेलको भाउ घट्नमा सहयोग पुगेको र यस साता अमरिकी कच्चा तेलको भाउ २.८ प्रतिशतले घट्यो।
प्रतिब्यारेल ८५ डलरको हाराहारीमा पुगेका अमेरिकी कच्चा तेल र ब्रेन्ट कच्चा तेलको भाउ अहिले प्रतिब्यारेल ७० डलरभन्दा कम छ।
पछिल्लो समय तेलको माग अत्यधिक हुँदा भाउ घट्न सकेको थिएन।
