नेपाली कांग्रेस १४औँ महाधिवेशन अन्तरगत चितवन क्षेत्र न.३ (ख) प्रदेश सभापतिमा शोभाखर चापागाईं निर्वाचित भएका छन् ।
शुक्रबार राति सम्पन्न मतगणना अनुसार १४७ मतका साथ चापागाई सभापतिमा निर्वाचित भएका हुन् । सभापतिका प्रत्यासीहरु
ओमप्रसाद पोखरेल ९९, रामबहादुर कुवँरले ७८ र अशोक लामाले २८ प्राप्त गरे ।
यस्तै उपसभापतिमा लिलाराज भुसाल निर्वाचित भएका छन् । भुसालले २१२, केशब बसेलले २०० र भरत घिमिरे १९४ मत प्राप्त गरे ।
यस्तै सचिवमा गोबिन्द शर्मा (१८६) र सूर्य अधिकारीले (१९१) मतका साथ विजयी भएका छन् । मनोहर सिग्देल १८२ मत प्राप्त गरे ।
यसैगरि क्षेत्र नं. ३ (ख) अन्तरगत बागमती प्रदेश प्रतिनिधिमा खुलातर्फ इ. शिबहरी घिमिरे (२५६), सूर्यमणि पौडेल (२४६), युबराज क्षेत्री (२१९), कुमार प्रसाद थपलिया (२०१), रामहरि दवाडी (शेखर) (१९२), किरन राना (१८९) र कमल आचार्य (१८६) निर्वाचित भएका छन् ।
त्यस्तै महिलातर्फ शान्ति पराजुली (२४०), जानुका कार्की (२३०), भिमादेबी भुसाल (२१६), खस आर्यतर्फ दिनानाथ पौडेल (२००) निर्वाचित भएका छन् र प्रदेशबाट क्षेत्रीय सदस्य सुशीला ढुंगाना (१९९) निर्वाचित भएका छन् ।
