गृह मन्त्रालयले पुनः प्रमुख जिल्ला अधिकारी (सीडीओ)हरुको सरुवा गरेको छ । असोज ३१ गतेको मन्त्रीस्तरीय निर्णयबाट सीडीओहरुको काज सरुवा गरिएको हो ।
इलाका प्रशासन कार्यालय चन्द्रौटा, कपिलवस्तुका उपसचिव नेत्रप्रसाद शर्मालाई जिल्ला प्रशासन कार्यालय मुस्ताङको सिडियोको रुपमा सरुवा गरिएको छ । शर्मा यसअघि चितवनबाट कपिलवस्तु सरुवा भएका थिए ।
यस्तै कैलालीका प्रमुख जिल्ला अधिकारी खगेन्द्रप्रसाद रिजाललाई गृह मन्त्रालयमा तानेर उनको स्थानमा सहसचिव किरण थापालाई पठाइएको छ ।
सहसचिव जगन्नाथ पन्तलाई पाल्पाको सीडीओको जिम्मेवारी दिएर सरुवा गरिएको छ । यसअघि पाल्पाका प्रमुख जिल्ला अधिकारी रहेका योगेन्द्रप्रसाद पाण्डेको दशैं अगाडि अख्तियार दुरुपयोग अनुसन्धान आयोगमा सरुवा भएको थियो ।
यसैगरी गृह मन्त्रालयका सहसचिव हरिप्रसाद घिमिरेलाई अर्घाखाँची सरुवा गरिएको छ । अर्घाखाँचीका प्रजिअ विष्णु पौडेललाई गृह मन्त्रालयमा तानिएको छ ।
