कपिलवस्तु, असोज १९ –
कपिलवस्तुको कृष्णनगरमा झाडापखालाबाट दुई जनाको मृत्यु भएको छ ।
कृष्णनगर नगरपालिका–८ का ४५ वर्षीय बब्लु केवट र वडा नम्बर ९ का चार वर्षीय बालकको मृत्यु भएको हो ।
स्वास्थ्य कार्यालय कपिलवस्तुका प्रमुख हेमराज पाण्डेका अनुसार झाडापखाला लागेका ५२ जनाको शिवराज अस्पताल बहादुरगञ्जमा उपचार भइरहेको छ । गम्भीर अवस्थाका ७ जनालाई अन्यत्र रिफर गरिएको छ ।
दूषित पानीका कारण झाडापखाला फैलिएको पाण्डेले बताए । पानी कहाँ कसरी दूषित भयो भन्ने पत्ता लगाउन लागिएको उनको भनाइ छ ।
