एक वर्षको अवधिमा विश्वमा कच्चा पेट्रोलियम तेलको मूल्य ५६ प्रतिशतले बढेको छ । नेपाल राष्ट्र बैङ्कले दिएको गत वर्ष २०७७ साउनको तुलनामा यो वर्षको साउन महिनासम्मको अवधिमा उक्त मूल्य बढेको बताएको छ ।
देशको वर्तमान आर्थिक तथा वित्तीय स्थितिको तथ्याङ्क सार्वजनिक गर्दै राष्ट्र बैङ्कले यस्तो बताएको हो । गत वर्षको साउनमा कच्चा तेलको मूल्य प्रतिब्यारेल ४४.८६ डलर थियो । जुन, २०७८ को साउन महिनासम्ममा आइपुग्दा ५६.२ प्रतिशतले बढेर ७०.०७ डलर पुगेको छ ।
यो अवधिमा सुनको मूल्यमा भने गिरावट आएको छ । २०७७ सालको साउन महिनामा प्रति आउन्स १९४४ डलर रहेको सुनको मूल्य यो वर्षको साउनसम्म आइपुग्दा ८ प्रतिशतले घटेर १७८६ डलर आइपुगेको छ ।
