नेपाली कांग्रेसको १४ औं महाधिवेशन अन्तरगत आज (सोमबार) इच्छाकामना गाउँपालिकामा निर्वाचन भएको छ । गाउँपालिकामा रहेका ७ वटा वडामध्ये ६ वटामा सर्वसम्मत नयाँ कार्यसमिति चयन गरिएको निर्वाचन समितिले जनाएको छ ।
यस्तै वडा नं. ४ भने सर्वसम्मत गर्ने प्रयास विफल भएपछि मंगलबार मतदान हुने भएको छ । सभापतिमा राजेन्द्रदेव त्रिपाठी, खड्क बहादुर थापा र बुद्धिप्रसाद सिलवालले उम्मेद्वारी दिएपछि सर्वसम्मत नेतृत्व चयन गर्न नसकिएको मतदान अधिकृत देवबहादुर गुरुङले नारायणी अनलाइनलाई जानकारी दिए ।
उनका अनुसार खुल्ला तर्फको क्षेत्रीय प्रतिनिधि, महिलातर्फको खुल्ला क्षेत्रीय प्रतिनिधिमा पनि मतदान हुनेछ । मतदान समय विहान ८ बजेका लागि तय भएको मतदान अधिकृत गुरुङले जानकारी दिए ।
